了邊度 ？”“啊！去
老人院探訪, 同Ｄ伯伯玩。"“嘩，你做義工呀, 咁有愛心。”
|
義工組 葉佩茜、賴木盛 2007年 |
在這裏, 你會看到人是美好的，
人生也是美好的！
“喂，上個星期日你去了邊度 ？”
“啊！去老人院探訪, 同Ｄ伯伯玩。"
“嘩，你做義工呀, 咁有愛心。”
愛心，乜做義工，真係同愛心掛鉤架咩, 如果係，點解我又唔係咁覺得自己有愛心
！
咁問
自己係咪為了消磨時間，就梗係唔係喇，我只有覺得時間永遠不夠用，咁…係咪為了擴闊生活圈子, 又唔似喎，話哂我都唔鍾意應酬，不過…. 如果在埋單果陣，先發覺自己冇做過Ｄ有意義事，講真，我會驚，回頭看，真有白過此生的感覺，啊！原來係為唔使抱憾… 去關心別人，又有人比你關心，咁快樂又有意義事, 係好應該做呀，尤其在你還有能力時！
話說回來，到東林安老院做探訪，同伯伯們打交道，由最初，乜個個伯伯都差唔多樣，到現在都分得出邊個‘打’邊個，（雖然又唔係全部認得哂，記得哂）係呢個時候，又點會唔培養出感情來，而且伯伯們真的很可愛，他們有的像聖誕老人，有的像雪姑七友中的七友，原來年紀老了，人又會變回細路模樣的。 他們個個都有不同的性格，不同的經歷，但都喜歡同你講，分享，故此，同他們相處，我們實在學到很多東西。
再講，組員們給我Ｄ感覺很親切，有如舊朋友一樣，我們坐下來，便東講講，西講講，熱鬧不已，開會室常常都是鬧哄哄的。在這裏，你會看到人是美好的，人生也是美好的！